Thursday 12 July 2018
අම්බලම- සෙන් කතාවක්!
දවසක් ඉතාම ප්රසිද්ධ සෙන් ගුරුවරයෙක් ගමනක් යමින් ඉද්දි රෑ බෝවුනා. ඔහු ඒ පළාතේ ප්රධාන සමුරායි වරයා ගේ මාළිගාවට ගියා. සමුරායි වරයා ඔහුව හඳුනා ගත්තා.
"සුබ සැන්දෑවක් ගුරුතුමනී, මගෙන් මොනවද කෙරෙන්න ඕනෙ"
සමුරායි වරයා ගුරුතුමාව පිළිගත්තා.
"මට අද රෑට මේ අම්බලමේ නවාතැන් ඕනෙ"
සමුරායි වරයා යක්ෂාවේෂ වුනා.
"මේක අම්බලමක් වුනේ කොහොමද? මේක මගේ පරම්පරාවෙ මාළිගාව."
"මට සමාවෙන්න. ඔබට කලින් මෙහෙ හිටියෙ කවුද?"
"මගේ තාත්තා"
"දැන් ඔහු කෝ?"
"ඔහු මැරිලා"
"හොඳයි. ඊට කලින් මෙහෙ හිටියෙ කවුද?"
"මගේ සීයා"
"දැන් ඔහු කෝ?"
"ඔහුත් මැරිලා"
ගුරුතුමා හිස සැලුවා.
"මේ ගොඩනැගිල්ල, මිනිස්සු කාලෙන් කාලට පදිංචි වෙලා ඉඳල නික්ම යන මේ ගොඩනැගිල්ල අම්බලමක් නෙවෙයි කියලද ඔබ කිව්වේ?"
Subscribe to:
Post Comments (Atom)
No comments:
Post a Comment